Лявон Вольскі выступіў перад студэнтамі ЕГУ

13 лютага моладзевая асацыяцыя “StudAlliance” пры падтрымцы Еўрапейскага гуманітарнага ўніверсітэта зладзіла канцэрт-вечарыну выбітнага беларускага музыкі Лявона Вольскага. Мерапрыемства наведалі студэнты ЕГУ, а таксама сябры ўніверсітэта і госці літоўскай сталіцы.

Вольскі  выканаў песні з новага альбома гурта “Крамбамбуля”, а таксама старыя хіты, якія сталіся класікай сучаснай беларускай музыкі. Пасля канцэрта ўсе ахвотныя змаглі сфатаграфавацца з музыкам і атрымаць аўтографы на памяць – Вольскі падпісваў сваю кнігу “Міларусь” і новы альбом “Крамбамбулі” “Драбадзі-драбада”.

Лявон Вольскі запрасіў прысутных на свой наступны віленскі канцэрт, які мае адбыцца 21 красавіка ў клубе “Tamsta”.

Больш фотаздымкаў з канцэрта можна знайсці ў альбоме Вконтакте